पर्यटन बोर्डको सीईओका लागि तीन जनाको नाम सिफारिस

नेपाल पर्यटन बोर्डको प्रमुख कार्यकारी अधिकृत (सीईओ)का लागि तीन जनाको नाम सिफारिस भएको छ। बोर्डको सीईओ छनोट समितिले धनञ्जय रेग्मी, दीपक बस्ताकोटी र हिक्मतसिंह ऐरको नाम सिफारिस गरी बोर्डमा पठाएको हो।

बोर्डको सञ्चालक समितिले बनाएको सीईओ छनोट समितिको आजको बैठकले नयाँ सीइओ नियुक्तिका लागि तीन जनालाई सिफारिस गरेको हो। तीन जनाको नामबाट १ जना बोर्डको सीईओ बन्नेछन्। यसैबीच, आज बस्ने भनिएको बोर्ड बैठक भोलिका लागि सरेको छ।

सीईओका लागि कुल १७ जनाले आवेदन दिएका थिए। तीमध्ये प्रारम्भिक रुपमा ९ जनाको नाम छनोट भएको थियो। त्यसमध्ये अन्तिम तीन जनाको नाम सिफारिस भएको हो। ती तीन जनाबाट बोर्ड बैठकले एक जनालाई सीईओ छान्नेछ।