कोरियाली भाषा परीक्षाको नतिजा सार्वजनिक, यस्ताे छ हेर्ने तरिका

कोरियाली भाषा परीक्षाको नतिजा सार्वजनिक भएको छ।

रोजगार अनुमति प्रणाली (ईपीएस) अन्तर्गत गत जेठ २५ र २६ गते सञ्चालन गरिएकाे कोरियाली भाषा परीक्षाको आज (शुक्रबार) सार्वजनिक गरिएको हो।

इपिएस शाखाका अनुसार भाषा परीक्षाको नतिजा  www.epsnepal.gov.np र वैदेशिक रोजगार विभागको वेभसाइट www.dofe.gov.np मा गएर हेर्न सकिनेछ।

यस वर्षको भाषा परीक्षामा ९२ हजार ३ सय ५६ युवा सहभागी भएका थिए। तर कोरियाले यस वर्ष १० हजार ५० जना नेपाली मात्र प्रशिक्षार्थी कामदारका रुपमा लैजाने कोटा छ।