युनिकोड
चालु आर्थिक वर्षको अन्तिम महिना असारको पहिलो हप्ता चलिरहेको छ। पहिलो हप्ताको सुरुवाती विवरण हेर्दा सरकारको दैनिक खर्च बढ्न थालेको छ।
एकै दिन सरकारले ८ अर्बसम्मको चेक काटेको छ।
आयव्ययको विवरण राख्ने निकाय महालेखा नियन्त्रकको कार्यालयका अनुसार १ गते सरकारले १ अर्ब ३७ करोेड रुपैयाँ राजस्व प्राप्ति गरेको थियो।
२ गते शनिबार परेकोले राजस्वबाट ४ करोड ३७ लाख रुपैयाँ मात्र प्राप्त भएको थियो।
३ गते १ अर्ब ९० करोड र ४ गते १ अर्ब ४८ करोड रुपैयाँ सरकारले असुल गरेको छ।
तर खर्च भने विगतको भन्दा बढ्दो क्रममा रहेको देखिएको छ।
महालेखाका अनुसार १ गते ३ अर्ब ३२ करोड रुपैयाँ खर्च गरेको छ। २ गते शनिबार थियो। जसकारणले गर्दा ४ करोड ४७ लाख मात्रै खर्च भएको छ।
३ गते आइतबार ८ अर्ब ४२ करोड रुपैयाँ र सोमबार अर्थात् ४ गते ३ अर्ब ३२ करोड रुपैयाँ खर्च गरेको हो।
अहिलेसम्म सरकारले ८ खर्ब ४२ अर्ब रुपैयाँ राजस्व संकलन गरेको छ। अहिले सम्मको खर्च भने ११ खर्ब ९३ अर्ब रुपैयाँ भएको छ।
जेठ महिनासम्मको स्थिति हेर्ने हो भने सरकारले भन्सारबाट ३ खर्ब ५६ अर्ब रुपैयाँ संकलन गरेको छ।
आन्तरिक राजस्व विभागतर्फको हेर्ने हो भने ४ खर्ब ८ अर्ब रुपैयाँ संकलन भएको छ।
आयकरबाट १ खर्ब ७० अर्ब, घरबहाल शुल्क २ अर्ब ३९ करोड, ब्याज कर ३१ अर्ब ४४ करोड, आन्तरिक भ्याट ९९ अर्ब ४१ करोड, अन्तशुल्क आन्तरिक ९६ अर्ब ९० करोड, स्वास्थ्य सेवा शुल्क ६ अर्ब ३८ करोड, शिक्षा शुल्क १ अर्ब ६६ करोड रुपैयाँ संकलन भएको आन्तरिक राजस्व विभागले जानकारी दिएको हो।
प्रतिक्रिया