युनिकोड
बैंकहरुविरुद्ध उद्योग, व्यवसायीहरुले शुक्रवार सडक आन्दोलन गर्दै छन्।
नेपाल राष्ट्रिय व्यवसायी महासंघको नेतृत्वमा अन्य ९ वटा व्यवसायी महासंघ तथा ५० वटा संघ संस्थाहरुले शुक्रबार बैंकविरुद्ध सडक आन्दोलन गर्ने घोषणा गरेका हुन् ।
राष्ट्रिय व्यवसायी महासंघले बिहीबार एक सूचना जारी गर्दै माघ ५ गते शुक्रबार माइतीघर मण्डलामा विशाल र्यालीसहित बैंकको ज्यादतीविरुद्ध आन्दोलन गर्ने जनाएको छ ।
पछिल्लो समय बैंकहरुले आफु खुशी मनलाग्दी ब्याजदर बढाएर उद्योगी व्यवसायीहरुलाई मर्कामा पारेको, धितो लिलामीको सूचना निकालेर हैरान पारेको त व्यवसायीलाई कालो सूचीमा राख्ने कदमविरुद्ध व्यवसायीहरुले शुक्रबार जुद्ध शालिक न्यूरोड, नयाँ बानेश्वर, अनामनगर हनुमानथान तीनतिरबाट र्याली निकाल्दै माइतीघर मण्डलामा गएर कोणसभा गर्ने जनाएको छ ।
बजारमा चरम मन्दी छाइरहेको र बैंकको किस्ता र ब्याज तथा घरभाडा तिर्न नसकेको भन्दै व्यवसायीहरू आत्महत्याको बाटो रोजिरहँदा पनि सरकारले व्यवसायीहरुका माग सम्बोधन नगरेकाले बाध्य भएर आन्दोलन गर्न लागेको व्यवसायीहरुले बताएका छन् ।
प्रतिक्रिया