पर्यटक उद्धार गरेको विवरण नबुझाए पर्यटन संस्थामाथि नै कारबाही हुने

पर्यटन विभागले सात दिनभित्र शरद ऋतुमा उद्धार तथा उपचार गरेका पर्यटकको विवरण नबुझाए सम्बन्धित पर्यटन संस्थालाई कारबाही गर्ने चेतावनी दिएको छ।

विभागले मंगलबार सूचना जारी गर्दै टे«ेकिङ एजेन्सी, हवाइ सेवा कम्पनी र स्वास्थ्य संस्थाहरुले सात दिनभित्र विवरण नबुझाए कारबाही गर्ने बताएको हो।

पर्यटक खोज, उद्धार, उपचार तथा अनुगमनसम्बन्धी कार्यविधि २०७५ अनुसार सम्बन्धित निकायहरुले सिजन समाप्त भएको १५ दिनभित्र पर्यटन विभागमा पेश गर्नुपर्ने प्रावधान रहेको छ।

सम्बन्धित निकायहरुले उद्धार तथा उपचार गरेका पर्यटकहरुको विवरण सिजन समाप्त भएको १५ दिनभित्र विभागमा पेश गर्नुपर्नेमा सन् २०१९ को शरद ऋतुका सेप्टेम्बर, अक्टुबर, र नोभेम्बर महिनाभरमा सम्बन्धित निकायहरुले उद्धार तथा उपचार गरेका पर्यटकहरुको कुनैपनि विवरण नपठाएको विभागले जनाएको छ।