काठमाडौँ जाँदै गरेको भ्यान मकवानपुरमा मोटरसाइकलसँग ठोकियो

सिन्धुलीबाट हेटौँडा हुँदै काठमाडौँतर्फ जाँदै गरेको भ्यान विपरीत दिशाबाट आउँदै गरेको मोटरसाइकलसँग ठोकिँदा दुर्घटना भएको छ।

मंगलबार (आज) मकवानपुरको बागमती गाउँपालिका–४ बुद्धचोकनजिक दुर्घटना भएको हो।

ना ५२ प ५५९८ नम्बरको पल्सर मोटरसाइकल र मधेस प्रदेश ०२ ००१ ज ०० ७२ नम्बरको ईभी भ्यान आपसमा ठक्कर खाएका हुन्।

घटनामा घाइते भएका सबैलाई प्राथमिक उपचारपछि हेटौँडा अस्पताल रिफर गरिएको प्रहरीले जनाएको छ।

दुर्घटनाको कारण र घाइतेहरूको अवस्थाबारे थप विवरण प्राप्त हुन बाँकी छ।