युनिकोड
भक्तपुरको सूर्यविनायक नगरपालिकामा १५ फिट गहिरो खाल्डोमा खसेका २ वर्षका बालकलाई एक घण्टापछि सकुशल उद्धार गरिएको छ।
जिल्ला प्रहरी परिसर भक्तपुरका अनुसार मंगलबार अपराह्न ४:५५ बजे सूर्यविनायक नगरपालिका-५, कटुन्जे भैरव मन्दिरनजिक खाली जग्गामा बोरिङ गर्न खनेको अन्दाजी १५ फिटको खाल्डोमा रामेछापको मन्थली नगरपालिका-७, घर भई हाल कटुन्जे बस्ने वर्ष २ का सजिन भुजेल खेल्ने क्रममा खसेका थिए।
घटनाको जानकारी प्राप्त हुनासाथ प्रहरी प्रभाग कटुन्जे र प्रहरी वृत्त जगातीबाट गएका प्रहरी टोलीले मंगलबार ५ः५० बजे सकुशल उद्धार गरेको जिल्ला प्रहरी परिसर भक्तपुरका सूचना अधिकारी प्रहरी नायब उपरीक्षक वसन्त पाठकले जानकारी दिए। बच्चाको उद्धारमा प्रहरीलाई आरएनए १६ र स्थानीयले सहयोग गरेका थिए।
प्रतिक्रिया