युनिकोड
सुदूरपश्चिमका तीन जिल्लामा गरी तास खेलिरहेको अवस्थामा २६ जना पक्राउ परेका छन्।
प्रहरीका अनुसार कैलालीमा ९, कञ्चनपुरमा १२ र बझाङमा ५ जनालाई ताससहित पक्राउ गरिएको हो।
मंगलबार राति कैलालीको गोदावरी नगरपालिका-८ हरीनगरमा तास खेलिरहेका ९ जनालाई ६१ हजार २ सय ३० रुपैयाँ र दुई गड्डी तास तथा बा.प्र.०२–०४१ प १८५४ नम्बरको स्कुटीसहित पक्राउ गरिएको प्रहरीले जनाएको छ।
यस्तै कञ्चनपुरको भीमदत्त नगरपालिका-५ बनगाउँमा तास खेलिरहेको अवस्थामा १२ जना पक्राउ परेका छन्। उनीहरूको साथबाट प्रहरीले ८२ हजार ३ सय २२ रुपैयाँ र ६ गड्डी तास बरामद गरेको छ।
मंगलबार राति नै बझाङको जयपृथ्वी नगरपालिका-९ सिमखेतमा कुखुरा फर्मभित्र तास खेलिरहेका ५ जनालाई प्रहरीले नियन्त्रणमा लिएको छ।
उनीहरूलाई ६६ हजार १ सय ३० रुपैयाँ र दुई गड्डी ताससहित पक्राउ गरिएको प्रहरीले जनाएको छ।
प्रतिक्रिया