युनिकोड
फिफा विश्वकपको फाइनल खेल पोल्याण्डका रेफ्रि साइमन मर्चिनियाकले खेलाउने भएका छन्।
आइतबार राति हुने अर्जेन्टिना र फ्रान्सबीचको फाइनल खेल साइमनले खेलाउने फिफा र पोलिस फुटबल एसोसियसनले बताएको हो।
४१ वर्षिय साइमनले सन् २०१८ को रसिया विश्वकपमा डेब्यु गरेका थिए। साइमनले यसअघि नकआउट चरणमा अर्जेन्टिना र अष्ट्रेलियाको तथा समुह चरणमा फ्रान्स र डेनमार्कबीचको खेल खेलाएका थिए।
फाइनल खेल अल दायनस्थित लुसैल स्टेडियममा राति ८ः४५ बजे सुरु हुनेछ।
उनलाई पावेल सोकोलनिकी र थोमसले असिस्ट गर्नेछन्। फोर्थ अफिसियलमा इस्माइल एल्फाथ छन्। यसअघि अर्जेन्टिना र नेदरल्याण्ड्सबीचको क्पार्टरफाइनल र फ्रान्स र मोरक्कोबीचको सेमीफाइनल खेलाउने रेफ्रिविरुद्ध उजुरी परेको थियो।
प्रतिक्रिया