युनिकोड
फादर्स डेको दिन इन्स्टाग्राममा बोल्टले आफू दुई जुुम्ल्याहा छोराको पिता बनेको जानकारी दिएका हुन्।
३४ वर्षका बोल्ट र उनकी प्रेमिका कासी बेनेटबाट यो सन्तान जन्मिएको हो। यी दुई छोराको नाथ थन्डर बोल्ट र सेन्ट लियो बोल्ट राखेको बोल्टले बताएका छन्।
यसअघि पनि उनीहरुबाट एक छोरी जन्मिएको थियो। एक वर्षकी छोरीका नाम ओलम्पिया लाइटेनिङ हो।
जुम्ल्याहा सन्तान कहिले जन्मिएको भनेर भने जानकारी दिइएको छैन। बोल्टले एथ्लेटिक्सबाट सन् २०१७ मा सन्यास लिएका थिए।
तर उनको १०० मिटर र २०० मिटरको रेकर्ड हालसम्म कसैले तोड्न सकेको छैन्। उनलाई इतिहासकै तिव्र गतिका धावकको रुपमा चिन्ने गरिन्छ।
ओलम्पिक प्रतियोगिताको १०० मिटर दौडमा ३ पटक स्वर्णपदक जित्ने उनी विश्वकै एक्ला धावक हुन्। उनले आफ्नो खेल जीवनमा मुख्य प्रतियोगिताबाट २३ स्वर्ण हात पारेका छन्।
प्रतिक्रिया