मलेसियाविरुद्धको खेलमा नेपालले चौथो ओभरमै लियो दुई विकेट

त्रिकोणात्मक टि–२० आई सिरिज अन्तर्गत मलेसियाविरुद्धको खेलमा नेपालले दोस्रो सफलता हात पारेको छ।

त्रिवि क्रिकेट मैदानमा टस जितेर पहिले फिल्डिङ गरेको नेपालले खेलको चौथो ओभरमा नै २ विकेट लिन सफल भएको हो। मलेसियाका ओपनर अन्वर अरुद्दिन १ दशलव ४ ओभरमा नै ८ रन जोड्दा पवेलियन फर्के। उनी करण केसीको बलमा आउट भए।

तेस्रो ओभरको दोस्रो बलमा मलेसियाका कप्तान अहमद फैज रन आउट भए।

मलेसियाले चौथो ओभरको समाप्तीमा २ विकेट गुमाएर ३६ रन बनाएर खेलिरहेको छ। अहिले क्रिजमा ओपनर सयद अजिज २४ र विरनदिप सिंह २ रनमा नटआउट छन्।

आजको खेलमा नेपाली टोलीले एक खेलाडी परिवर्तन गरेको छ। नेपालले आज आरिफ शेखको स्थानमा कुशल मल्ललाई ल्याएको छ।