युनिकोड
राष्ट्रिय महिला लिगको उद्घाटन खेलमा विभागीय टोली त्रिभुवन आर्मी र नेपाल पुलिस क्लब भिड्ने भएका छन्।
अखिल नेपाल फुटबल संघ एन्फाले आज सार्वजनिक गरेको खेल तालिका अनुसार लिगको दोस्रो दिन २ खेल हुनेछ।
आगामी माघ ७ गते हुने लिगको उद्घाटन खेल काठमाडौंस्थित दशरथ रगंशालामा हुनेछ।
लिगका अन्य खेल सातदोबाटोस्थित एन्फा मैदानमा हुनेछ। लिगको उद्घाटन र समापन दशरथ रगंशालामा हुनेछ। लिगमा एक दिन एक खेल हुनेछ भने अर्को दिन २ खेल हुने सार्वजनिक खेल तालिकामा उल्लेख छ।
लिगको दोस्रो दिन शसस्त्र प्रहरीको एपीएफ र चन्द्रपुर नगरपालिका रौतहट तथा विराटनगर नगरपालिका मोरङ र वालिङ नगरपालिका भिड्नेछन्।
राष्ट्रिय महिला लिगको विजेताले १५ तथा उपविजेताले ८ लाख रुपैयाँ पाउने अखिल नेपाल फुटबल संघ एन्फाले जनाएको छ। लिगमा तेस्रो स्थानमा रहने टोलीले ५ तथा चौथो टोलीले ३ लाख रुपैयाँ पाउनेछन्।
प्रतियोगिताको सर्वोत्कृष्ट खेलाडीले एक थान स्कुटर र हरेक विधाका उत्कृष्ट खेलाडी ( स्टाइकर, मिल्डफिल्डर, डिफेन्डर, गोलकिपर) र प्रशिक्षकले जनही ५० हजार रुपैयाँ पाउनेछन्।
लिगमा शसस्त्र प्रहरीको एपीएफ, नेपाल पुलिस क्लव र त्रिभुवन आर्मीसहित रौतहटको चन्द्रपुर, स्याङ्जाको वालिङ, मोरङको विराटनगर र उदयपुरको चौदण्डीगढी नगरपालिकाले प्रतिस्पर्धा गर्नेछन्।
प्रतिक्रिया