युनिकोड
नेपाली ब्याडमिन्टनका युवा स्टार प्रिन्स दाहाल विश्व ब्याडमिन्टनको जुनियर वरीयताको शीर्ष तीनमा उक्लिएका छन्।
विश्व ब्याडमिन्टन महासंघ (बीडब्लुएफ)ले शुक्रबार जारी गरेको वरीयतामा प्रिन्सले ८ स्थान सुधार गर्दै शीर्ष ३ मा उक्लेका हुन्।
प्रिन्सको यो हालसम्मकै उत्कृष्ट वरीयता हो। विश्व जुनियर वरीयताको शीर्ष ३ भित्र पर्नु नेपाली खेलाडी र नेपाली ब्याडमिन्टनको लागि नयाँ इतिहास हो। यसअघि प्रिन्स सातौँ र अहिले ११औँ स्थानमा रहेको थियो।
प्रिन्सको १०४०० अंक छ। वरीयताको शीर्षस्थानमा डेनमार्कका म्याड्स जुवेल मोलर र भारतका वरुण कपुर रहेका छन्। म्याड्सको १३५५० र वरुणको १३१५० अंक छ। म्याड्सले ३ तथा वरुणले ४ स्थान सुधार गरेका हुन्।
कोरोना महामारीपछि घरेलु प्रतियोगिता सुरु हुँदा प्रिन्सले नेपाल नम्बर १ रत्नजित तामाङलाई हराउँदै उपाधि जितिसकेका छन्।
प्रतिक्रिया