युनिकोड
आइसीसी महिला टी-२० विश्वकप ग्लोबल छनोटको तयारीमा रहेको नेपाली राष्ट्रिय महिला क्रिकेट टोली पहिलो अभ्यास खेलमा आयरल्यान्डसँग १ सय १ रनमा अलआउट भएको छ।
बुधबार भएको औपचारिक पहिलो अभ्यास खेलमा नेपाल आयरल्यान्डसँग ९९ रनले पराजित भएको हो। आयरल्यान्डले दिएको २ सय १ रनको लक्ष्य पछ्याएको नेपाली महिला टोली १९ ओभरमा १ सय १ रनमा नै समेटियो।
नेपालका लागि कविता जोशीले २८ र बिन्दु रावलले २५ रन बनाए। तल्लो मुलपानी क्रिकेट मैदानमा भएको टस जितेर ब्याटिङ गरेको आयरल्यान्डले निर्धारित २० ओभरमा ७ विकेटको क्षतिमा २ सय रनको योगफल तयार पारेको थियो।
नेपालले दोस्रो अभ्यास खेलमा शुक्रबार कीर्तिपुरस्थित त्रिवि क्रिकेट मैदानमा अमेरिकासँग खेल्नेछ। यसअघि नेपालले अमेरिका र स्कटल्यान्डसँग अनौपचारिक अभ्यास खेल खेलेको थियो।
टी-२० महिला विश्वकपको ग्लोबल छनोट आइतबार देखि सुरु हुनेछ। नेपालले पहिलो पटक जिम्बावे र स्कटल्यान्डसँग खेल्न लागेको हो।
प्रतिक्रिया