भक्तपुरमा फुटबल रंगशाला निर्माण गर्न एन्फा र सूर्यविनायक नगरपालिकाबीच सहमति

नयाँ तथा आधुनिक फुटबल रंशाला निर्माण गर्न अखिल नेपाल फुटबल संघ (एन्फा) र सूर्यविनायक नगरपालिकाबीच सैद्धान्तिक सहमति भएको छ।

भक्तपुरको सूर्यविनायक नगरपालिका-८ मा रहेको करिब २०० रोपनी जग्गामा रंगशाला बनाउनेबारे बुधबार सहमति भएको हो।

रंगशाला निर्माणका लागि नगरपालिकाले राष्ट्रिय खेलकुद परिषद्लाई सिफारिस गरिसकेको छ। 

एन्फाका अधिकारीहरूले पटक-पटक आग्रह गरेपछि प्रधानमन्त्री केपी शर्मा ओलीले नयाँ रंगशाला निर्माणमा चासो देखाएका थिए।

उनले ५० हजार दर्शक क्षमता भएको नयाँ रंगशाला निर्माण गर्ने घोषणा पनि गरेका थिए।