युनिकोड
टप इण्ड टी-२० सिरिजमा नेपालले जितका लागि बंगलादेश ए बाट १ सय ८४ रनको लक्ष्य पाएको छ।
अस्ट्रेलियाको डार्बिनस्थित मरारा क्रिकेट ग्राउण्ड २ मा टस जितेर ब्याटिङ गरेको बंगलादेश ए ले निर्धारित २० ओभरमा ६ विकेटको क्षतिमा १ सय ८४ रनको योगफल तयार पारेको हो।
पहिलो विकेटका लागि ओपनर जिसम आलम र मोहम्मद नैमले ६.४ ओभरमा ६६ रनको साझेदारी गर्दै बंगलादेशलाई राम्रो सुरुवात दिलाएका थिए।
बंगलादेशका ओपनर जिसन आल सर्वाधिक ७३ रन बनाउँदा नन्दन यादवको बलमा एलबीडब्लु धरापमा परे।
जिसनले ४६ बलमा ४ चौका र ५ छक्का प्रहार गरे। अर्का ओपनर मोहम्मद नैम २५ रन बनाउँदा सन्दीप लामिछानेको बलमा कप्तान रोहित पौडेलको हातबाट क्याच आउट हुन पुगे मोहम्मदले १८ बलमा २ चौका र १ छक्का प्रहार गरे।
सैफ हसन ११ रन बनाउँदा रनआउट भए। ११ बलमा ११ रन बनाएका सैफ रिजन ढकालको बलमा विकेट किपर आशिफ शेखको हातबाट रनआउट हुन पुगे।
कप्तान नुरुल हसन ५ रन बनाउँदा करण केसीको बलमा दीपेन्द्र सिंह ऐरिको हातबाट क्याच आउट भए।
महिदुल इस्लाम भुइया अंकोन ७ रनमा रिजन ढकालको बलबाट क्याच आउट भए।
नेपालका लागि रिजन ढकालले २ तथा करण केसी, नन्दन यादव र सन्दीप लामिछानेले समान एक विकेट आफ्नो नाममा गरे।
नेपालले केहीबेरमा जवाफि ब्याटिङ गर्नेछ।
प्रतिक्रिया