युनिकोड
नेपाली राष्ट्रिय क्रिकेट टोलीका तीव्र गतिका बलर करण केसीले टी-२० अन्तराष्ट्रिय क्रिकेटमा १ सय विकेटको कोशेढुङ्गा पार गरेका छन्।
मंगलबार राति स्कटल्यान्डविरुद्धको खेलमा करणले दोस्रो ओभरको तेस्रो बलमा ओपनर जर्ज मुन्सीको विकेट लिएसँगै टी-२० आइमा एक सय विकेट पूरा गरेका हुन्। करणले चौथो ओभरको चौथो बलमा फिन्ले म्याकक्रेथको पनि विकेट लिए।
स्कटल्यान्डविरुद्ध करणले ४ ओभरमा २० रन खर्चेर २ विकेट लिए। २ विकेट लिएसँगै करणले टी-२० आइमा १ सय १ विकेट आफ्नो नाममा गरेका छन्।
सन् २०१५ मा नेदरल्यान्डस्विरुद्ध खेल्दै टी-२० आइमा करणले डेब्यु गरेका थिए। उनले ८० औँ खेलमा आएर १ सय विकेटको कोशेढुङगा पार गरेका हुन्।
नेपालबाट टी-२०मा सय विकेटको कोशेढुंगा पहिले पार गर्नेमा लेग स्पिनर सन्दीप लामिछाने छन्।
प्रतिक्रिया