नेपालविरुद्ध जितका लागि भारतले पायो ९५ रनको लक्ष्य

एसीसी महिला यू–१९ एसिया कपमा भारतले जितका लागि ९५ रनको लक्ष्य पाएको छ। 

टस जितेर फिल्डिङ रोजेको भारतले २० ओभरमा नेपालको ९ विकेट लिई ९४ रनमा रोकेको हो। 

नेपालका दुई खेलाडीले मात्रै दोहोरो अंकको रन बटुले। पूजा महतोले २५ र एलिशा यादवले २० रन बनाउँदा साना प्रवीन ९, सावित्री धामी ३, सोनी पाख्रिन ८, ज्योत्स्निका मरासिनी ६, अनु कडायत र कुसुम गोदारले १–१ तथा रचना चौधरीले ३ रन बनाए। 

भारतले नेपाललाई १८ अतिरिक्त रन दियो। 

बलिङतर्फ भारतकी पारुणिका सिसोडियाले ४ विकेट लिइन्। उनीबाहेक मिथिला विनोद र आनन्दिता किशोरले समान १ विकेट लिए। 

भारतले केही बेरमा ब्याटिङ गर्नेछ।