युनिकोड
चितवन राइनोजले नेपाल प्रिमियर लिगअन्तर्गत आजको दोस्रो खेलमा जनकपुर बोल्ट्सलाई हराएसँगै अन्य दुई टोलीको प्लेअफ खेल्ने सम्भावना सकिएको छ।
पोखरा एभेन्जर्स र विराटनगर किंग्स लिगबाट बाहिरिएका हुन्।
यी दुवै टोलीले अब १/१ खेल खेल्न बाँकी छ। ४/४ अंक भएका कारण अबको खेल जिते पनि यीमध्ये कुनै पनि प्लेअफ पुग्नेछैनन्। किनभने जितपछि उनीहरुको ६ अंक मात्रै हुनेछ। यसअघि नै चितवनसहित कर्णाली याक्स र सुदूरपश्चिम रोयल्सको पनि समान ८ अंक छ।
काठमान्डु गुर्खाजको भने प्लेअफ पुग्ने गणितीय सम्भावना बाँकी नै छ। काठमान्डुले ६ खेलबाट ६ नै अंक जोडेको छ। अबको जितले उसको पनि ८ अंक हुनेछ। यता सुदूरपश्चिमको ८ अंक भएकाले उसले अब बाँकी दुई खेलमा कम्तीमा १ खेल जिते पनि प्लेअफ खेल्नेछ।
१ खेल खेल्न बाँकी रहेको कर्णाली याक्सले पनि १ खेल खेल्न बाँकी छ। उसले पनि उक्त खेल जिते प्लेअफमा पुग्नेछ।
प्रतिक्रिया