युनिकोड
नेपाल प्रिमियर लिगमा लगातार खराब प्रदर्शन गरेको विराटनगर किङ्सले नेदरल्यान्ड्सका कप्तानलाई अनुबन्ध गरेको छ।
सुरुका चारमध्ये तीन खेलमा पराजित भएपछि विराटनगरले ब्याटर र विकेट किपर समेत रहेका डच कप्तान स्कट एन्ड्रु एडवर्ड्सलाई ल्याएको हो।
विराटनरको आगामी खेलमा उनी उपलब्ध हुनेछन्। एन्ड्रु मंगलबार नै काठमाडौँ आइपुगेका छन्। विराटनगरको ब्याटिङ र विकेट किपिङमा यसअघि समस्या देखिएको थियो।
उनले विकेट किपिङमा लोकेश बमको स्थान लिनेछन्।
विराटनगरले यसअघि लुम्बिनीलाई मात्रै पराजित गरेको छ। जनकपुर, सुदूरपश्चिम र कर्णालीसँग पराजित भएको छ। अब विराटनगरले काठमाडौं, चितवन र पोखरासँग खेल्न बाँकी छ।
विराटनगरले अब बिहीबार बिहान पोखरासँग खेल्दै छ।
प्रतिक्रिया