युनिकोड
भारतीय राष्ट्रिय टोलीकी मिडल ब्लकर सूर्याले चितवन शक्तिबाट एभरेष्ट प्रिमियर लिग खेल्ने भएकी छिन्।
चितवनले बुधबार सूर्यालाई विदेशी खेलाडीको रुपमा सार्वजनिक गरेको हो। सूर्यासँग यसअघि नै नेपालको घरेलु क्लबबाट लिग खेलिसकेको अनुभव छ। उनी यसअघि एभरेष्ट क्लब बुटबलबाट लिग खेलिसकेकी छिन्।
चितवनले यसअघि विदेशी खेलाडीको रुपमा अजरबैजानकी अपोजिट हिटर केन्सिया पावेल्निकोलाई सार्वजनिक गरिसकेको छ।
चितवनमा अनुबन्ध भएपछि सूर्याले नेपालमा लिग खेल्न उत्साहित रहेको सुनाइन्। चितवनले अनुभवी खेलाडीलाई टोली अनुबन्ध गर्दा निकै खुसी लागेको बताएको छ।
चितवनमा राष्ट्रिय टोलीकी कप्तान अरुणा शाही मार्की खेलाडी छिन्।
प्रतिक्रिया