युनिकोड
श्रीलंकाले महिला एसिया कप २०२४ को उपाधि जितेर इतिहास रचेको छ।
आइतबार (जुलाई २८) भएको फाइनल खेलमा भारतलाई ८ विकेटले हराउँदै श्रीलंकाले पहिलोपटक महिला एसिया कपको उपाधि जितेको हो।
श्रीलंकाका लागि कप्तान चमारी अटापट्टुले ६१ र हर्षिता समरविक्रमाले ६९ रन बनाए। दुवैले ८७ रनको साझेदारी पनि गरे।
दाम्बुलामा भारतले टस जितेर पहिले ब्याटिङ रोजेको थियो। टोलीले २० ओभरमा २ विकेट गुमाएर १६५ रन बनायो। स्मृति मन्धानाले अर्धशतक बनाइन्। जेमिमाह रोड्रिग्जले २९ र ऋचा घोषले ३० रन बनाइन्। श्रीलंकाकी कविशा दिल्हारीले २ विकेट लिइन्।
श्रीलंकाले १९ ओभरमा २ विकेट गुमाएर लक्ष्य पूरा गर्यो। टोलीकी कविशा दिल्हारीले ३० रन बनाएपछि नटआउट रहिन्, उनले पूजा वस्त्रकारविरुद्ध विजयी छक्का प्रहार गरिन्। भारतका लागि दीप्ती शर्माले एक विकेट लिइन्। एक ब्याटर रन आउट भयो।
सन् २००४ मा सुरु भएको महिला एसिया कपमा श्रीलंका पहिलोपटक च्याम्पियन बनेको हो। यसअघि ऊ ५ पटक उपविजेता बनेको थियो।
योसँगै भारत भने दोस्रोपटक महिला एसिया कपको फाइनलमा हारेको छ। भारतीय टोली यसअघि सन् २०१८ मा बंगलादेशसँग हारेको थियो। भारतले ७ पटक महिला एसिया कपको उपाधि जितेको छ।
प्रतिक्रिया