युनिकोड
ललितपुरमा सम्पन्न सहिद स्मारक सी डिभिजन लिगको उपाधि बागमती युथ क्लबले उचालेको छ।
ललितपुरको सातदोबाटोस्थित एन्फा कम्प्लेक्सको मैदानमा भएको खेलमा बागमतीले पुल्चोक स्पोट्र्स क्लबसँग गोलरहित बराबरी खेलेपछि उपाधि उचालेको हो। उपाधिसँगै बागमतीले १० लाख रुपैयाँ प्राप्त गरेको छ।
दोस्रो स्थानमा रहेको आरसी ३२ ले सात लाख रुपैयाँ प्राप्त गर्यो।
लिगको छिनोफानो हुने दिन बी डिभिजनमा बढुवा भैसकेका बागमती र आरसी ३२ ले उपाधिका लािग खेलिरहेका थिए।
तर आर्मी फिजिकल एण्ड स्पोर्टस सेन्टरमा भएको खेलमा आरसी ३२ सानेपा क्लबसँग ३–२ ले पराजित भएपछि बागमतीले उपाधि उचालेको हो।
अंक तालिकाको शीर्ष स्थानमा रहेको बागमतीले १३ खेलमा ३० अंक बनायो। समान खेलबाट आरसी ३२ ले २६ अंक बनायो।
रानीवन स्पोट्र्स क्लब र गोलबजार स्पोट्र्स क्लब भने रेलिगेसनमा परेका छन्।
प्रतिक्रिया