एसीसी प्रिमियर कप : नेपालले शून्य रनमै गुमायो दुवै ओपनर

एसीसी प्रिमियर कपअन्तर्गत जारी ओमानविरुद्धको खेलमा नेपालले सुरुवातमै दुवै ओपनर गुमाएको छ। 

ओपनर कुशल भुर्तेल र आशिफ शेख शून्य रनमा आउट भए। कुशल २.२ ओभरमा विलाल खानको बलमा एलबीडब्ल्यू धरापमा पर्दै पवेलियन फर्के। ३.४ ओभरमा आशिफ कलिमुल्लाहको बलमा बोल्ड आउट भए। 

नेपालले ६ ओभरको समाप्तिमा २ विकेट गुमाएर मात्र ५ रन बनाएको छ। अहिले क्रिजमा भीम सार्की २ र कप्तान रोहित पौडेल ३ रन बनाएर खेलिरहेका छन्।

खेल कीर्तिपुरस्थित त्रिवि क्रिकेट मैदानमा भइरहेको हो।