ad ad

खेल


ललितपुर मेयर्स च्याम्पियनसिपको फाइनलमा पुग्यो एपीएफ क्लब

ललितपुर मेयर्स च्याम्पियनसिपको फाइनलमा पुग्यो एपीएफ क्लब

नेपालखबर
चैत १४, २०७९ मंगलबार १२:४७, काठमाडौँ

नेपाल एपीएफ क्लब अपराजित रहँदै ललितपुर मेयर्स महिला च्याम्पियनसिपको फाइनलमा पुगेको छ। 

मंगलबार भएको खेलमा आयोजक ललितपुर मेयर्स ११ लाई ३६ रनले पराजित गर्दै एपीएफ फाइनलमा पुगेको हो। एपीएफले ४ खेलबाट ८ अंक जोडेको छ। ललितपुर भने अंक बिहिन हुँदै बाहिरियो। 

एपीएफले दिएको १ सय ११ रनको लक्ष्य पछ्याएको ललितपुरले निर्धारित २० ओभरमा ८ विकेट गुमाएर ७३ रन मात्र बनाउन सक्यो। 

ललितपुरका लागि सोनी पाख्रिनले बनाएको १५ रन नै सर्वाधिक रह्यो। लक्ष्मी चौधरी र सिमाना केसीले समान १० रन थपे। अन्य ब्याटरले दोहोरो अंकको स्कोर छुन सकेनन्। 

ललितपुरलाई कम स्कोरमा रोक्न बिनु बुढा र राजमति ऐरिले दुई विकेट लिए। इन्दु बर्मा, सिता रानामगर र सुष्मा श्रेष्ठले एक एक विकेट आफ्नो नाममा गरे। 

त्यसअघि कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको एपीएफले निर्धारित २० ओभरमा ६ विकेटको क्षतिमा १ सय १० रनको योगफल तयार पारेको थियो। 

ओपनर ज्योति पाण्डे ६ र कप्तान सिता रानामगर १९ रनमा क्याच आउट भए। 

इन्दु बर्मा ७ रनमा क्याच आउट भईन्। रोमा थापा ४ रनमा बोल्ड आउट भइन्। सरिता मगर ६ रनमा एलबीडब्लु धरापमा परिन्। बिनु बुढा १२अ रनमा क्याच आउट भइन्। 

१०.४ ओभरमा ५–६० को अवस्थामा रहेको एपीएफका लागि मध्यक्रमका राजमति ऐरि र बिनु बुढाले ४३ रनको साझेदारी गर्दै इनिङस् उकासे। बिनु १२ रनमा क्याच आउट भइन्। 

राजमति ४१ र मञ्जु बोगटी ३ रनमा नटआउट रहे। राजमतिले ५२ रनमा ४ चौका हानिन्। 

ललितपुरका लागि सृष्टि जैसी र सिमाना केसीले समान २ विकेट लिए। सोनी पाख्रिन र मनिषा उपाध्यायले एक एक विकेट आफ्नो नाममा गरे। 

आजै हुने दोस्रो खेलमा कोशी प्रदेश र मधेश प्रदेश खेल्नेछन्।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .