युनिकोड
साउदी अरेबियाको फुटबल क्लब अल नासरका प्रशिक्षक रुडी ग्रासियाले क्रिस्टियानो रोनाल्डोपछि अब अर्का सुपर स्टार लियोनेल मेस्सीलाई भित्र्याउन खोजेको बताएका छन्।
रोनाल्डोका नयाँ प्रशिक्षकले आइतवार क्लबमा आयोजित पत्रकारहरुको संवादका क्रममा मेस्सीलाई कतार विश्वकपलगत्तै भित्र्याउन चाहेको भन्दै ठट्टा गरेका हुन्।
कतारमा विश्व कप जितिसकेपछि उत्सवमा झुमिरहेका मेस्सीलाई आफूले भित्र्याउन चाहेको पनि उनले बताएका छन्।
रोनाल्डोभन्दा मेस्सीलाई पहिले अनुबन्ध गर्न चाहेको बताएका उनले यसोभन्दा रोनाल्डो निराश हुन सक्ने भन्दै ठट्टा गरेका हुन्।
साउदी क्लबले रोनाल्डोका लागि पैसाको खोलो बगाएको छ। स्पेनिस क्लब रियल मड्रिडले फेरि भित्र्याउने आशमा रहेका रोनाल्डो निराश हुँदै एसियाली क्लबमा आएका हु्न्।
ग्रासियाले मेस्सी भित्र्याउने कुरामा ठट्टा गरिरहँदा फ्रान्सेली क्लब पेरिस सेन्ट जर्मेनले एक वर्ष सम्झौता बढाइसकेको छ।
रोनाल्डो आवद्ध क्बल अल नासरले साउदी प्रो लिग अन्तर्गत आगामी जनवरी ५ मा अल ताईसँग खेल्नेछ। रोनाल्डो उक्त खेलका क्रममा मैदानमा उत्रि सक्नेछन्।
अल-नासरले म्यानचेस्टर युनाइटेडसँगको सम्बन्ध तोडेपछि खाली रहेका रोनाल्डोलाई वार्षिक १७४ मिलियन पाउन्डमा अनुबन्ध गरेको हो।
अल नासरले रियल मड्रिडमा रोनाल्डोका साथी सर्जियो रामोसलाई पनि भित्र्याउन खोजिरहेको छ। रामोस अहिले पेरिस सेन्ट जर्मेनबाट मेस्सीसँगै खेलिरहेका छन्।
Al Nassr coach, Rudi Garcia, asked about Ronaldo before the official announcement: "I wanted to bring Messi from Doha."
— The Football Index 🎙 ⚽ (@TheFootballInd) December 31, 2022
pic.twitter.com/btfZMDwonG
प्रतिक्रिया