युनिकोड
पौडीकी किर्तिमानी खेलाडी गौरिका सिंहले अस्वस्थताका कारण नवौँ राष्टिय खेलकुद अन्तर्गत पौडीको तीन इभेन्ट छाडेकी छिन्।
पौडीको पहिलो इभेन्टपछि स्वास्थ्यमा समस्या आएपछि उनले शनिबारका दुई र आइतबारका एक इभेन्ट छाडेकी हुन्।
उनले आइतबार २ सय मिटर फ्रिस्टाइल, १ सय मिटर ब्याक स्ट्रोक र ४ गुण १ सय मिटरर रिलेमा गरि ४ इभेन्टमा स्पर्धा गर्ने तालिका छ।
पोखराको फिस्टेल एकेडेमीमा जारी प्रतियोगितामा गौरिकाले आइतबारको पहिलो इभेन्ट ८ सय मिटर फ्रिस्टाइलको हिट छोडेकी हुन्।
उनले पहिलो दिनको १ सय मिटर फ्रिस्टाइलको हिटमा भाग लिए पनि फाइनल राउन्डमा सहभागी हुन सकिनन्। अस्वस्थताकै कारण उनले २ सय मिटर ब्याक स्ट्रोकबाट उनले नाम फिर्ता लिएकी थिइन्।
११ इभेन्ट्समा भाग लिन आएकी गौरिकाले अब ८ वटा इभेन्ट्समा स्पर्धा गर्न बाँकी छ।
प्रतिक्रिया