युनिकोड
नवौं राष्ट्रिय खेलकुदअन्तर्गत पुरुष फुटबलको उद्घाटन खेलमा गैर आवासिय नेपाली संघ (एनआरएनए) ले राष्ट्रिय टोलीका खेलाडी खेलाएपछि प्रदेश १ हालेको प्रोटेस्ट सदर भएको छ।
प्राविधिक समितिका सचिव प्रचण्ड शर्माका अनुसार एनआरएनएले ८ खेलाडीलाई एनआरएनए प्रमाणित गर्न नसकेपछि उनीहरुले खेल्न नपाउने भएका हुन्।
एनआरएनले नियमविपरीत सिनियर टोलीका खेलाडीलाई मैदान उतार्न लागेपछि प्रदेश १ ले खेलअघि नै विरोध गरेको थियो।
एनआरएनले आफ्नो टिममा राखेको राष्ट्रिय टिमका ८ जना खेलाडीले खेल्न नपाएसँगै नतिजा प्रदेश १ को पक्षमा गएको छ।
पहिलो खेलमा एनआरएनले प्रदेश १ लाई २–० ले हराएको थियो। एनआरएनएका लागि संजोक राई र विमल घर्ती मगरले गोल गरेका थिए।
एनआरएनको टोलीमा अनन्त तामाङ, पुजन उपरकोटी, सुजल श्रेष्ठ, संजोक राई, विमल घर्तीमगर, विशाल राई, इशान खड्का र अशोक खवास छन्।
खेलपछि प्रदेश १ ले साँझ नै नवौँ राष्टिय खेलकुदका संयोजकलाई दावी विरोध बुझाएका थिए।
प्रतिक्रिया