नेपाल सुपर लिगले पायो एन्फाको अनुमति, तोकेकै मितिमा हुने

नेपाल सुपर लिग (एनएसएल) आयोजनाका लागि अखिल नेपाल फुटबल संघ (एन्फा) ले अनुमति दिएको छ।

नेपाल स्पोर्ट्स एण्ड म्यानेजमेन्ट (एनएसइएम) ले प्रस्ताव गरेको मितिमा नै एनएसएस गर्न एन्फाले अनुमति दिएको हो।

एनएसइएमले भदौ २५ देखि कार्तिक ५ गतेसम्म एनएसएल आयोजना गर्न एन्फासँग मिति मागेको थियो। एन्फाले एनएसएल आयोजनाका लागि अनुमति दिएसँगै अब तोकेको मितिमा नै हुने एनएसइएमका सीईयो सुदिप शर्माले बताए।

उनले भने, ‘हामीले आन्तरिक रुपमा तयारी त गरिरहेका थियौँ अब तोकेको समयमा नै लिग हुन्छ।’

एनएसएलको २०७८ को चैत २५ देखि २०७९ जेठ १ गतेसम्म आयोजना गर्ने बताएको थियो। तर क्लबको अनुमतिविना नै खेलाडी किनबेच गरेको भन्दै ए डिभिजनका ४ क्लबले विरोध गरेका थिए।