युनिकोड
धनगढीमा जारी प्रथम राष्ट्रिय मुख्यमन्त्री विवाइसी महिला गोल्डकप फुटबल प्रतियोगिताको दोस्रो सेमिफाइनलमा बिहीबार नेपाल पुलिस क्लब र आयोजक वनदेवी युवा क्लब भिड्दै छन्।
खेल, धनगढी रंगशालामा साँझ साढे ६ बजेपछि सुरु हुनेछ। आजको खेलको विजेताले उपाधिका लागि शनिबार नेपाल एपीएफ फुटबल क्लबसँग खेल्नेछन्।
आयोजक वनदेवीले कालिका स्पोर्टस् एकेडेमीलाई २–० ले पराजित गर्दै अन्तिम ४ मा स्थान बनाएको थियो।
नेपाल पुलिस क्लबले भने चन्द्रपुर नगरपालिका, रौतहटलाई १–० ले हराउँदै अन्तिम ४ मा स्थान बनाएको थियो।
शनिबारसम्म चल्ने प्रतियोगिताको उपाधि विजेताले ५ लाख तथा उपविजेताले २ लाख ५० हजार रुपैयाँ प्राप्त गर्नेछन्।
प्रतियोगिताको सर्वोत्कृष्ट खेलाडीले ५० हजार तथा विधागततर्फका विजेताले जनही १० हजार रुपैयाँ पाउनेछन्।
प्रतिक्रिया