न्यूरोड टिम (एनआरटी) ले कतार एअरवेज शहिद स्मारक ए डिभिजन लिगमा तेस्रो स्थानमा रहेर यो संस्करणको लिगको यात्रा टुङ्ग्याएको छ।
ललितपुरको सातदोबाटोस्थित एन्फा कम्प्लेक्सको मैदानमा शनिबार भएको खेलमा नेपाल पुलिस क्लबलाई ३–१ ले हराउँदै एनआरटी तेस्रो स्थानमा रहँदै लिग सकाएको हो।
सोही समयमा त्रिपुरेश्वरस्थित दशरथ रंगशलामा मनाङ र आर्मीले बराबरी खेलेपछि हेड टु हेडमा एनआरटी तेस्रो स्थानमा रहेको हो।
मेसुके ओलुमोउको ह्याट्रिकमा सातदोबाटोले पुलिस क्लबलाई ३–१ को फराकिलो अन्तरले पाखा लगाएको हो।
खेलको १२ औँ मिनेटमा रवि पासवानको गोलमा पुलिस क्लबले सुरुवाती अग्रता बनाएपनि त्यसलाई जोगाउन नसक्दा एनआरटीसँग हार भोग्यो।
पहिलो हाफमा १–० ले पछि परेको एनआरटीले उत्कृष्ट पुनरागमन गर्दै खेलमा जित निकालेको हो। खेलको ४७ औं मिनेटमा मेसुके ओलुमोउले गोल गर्दै एनआरटीलाई बराबरीमा ल्याए।
मेसुके ६२ र ८३ औँ मिनेटमा गोल गर्दै ह्याट्रिक पुरा गरे।
Shares
प्रतिक्रिया