न्युरोड टिम एनआरटी र हिमालयन शेर्पा क्लबले शहीद स्मारक ए डिभिजन लिगमा बराबरी गर्दै अंक बाँडेका छन्।
त्रिपुरेश्वरस्थित दशरथ रंगशालामा आइतबार भएको दशौँ चरणको खेलमा शेर्पा र एनआरटीले गोलरहित बराबरी खेल्दै अंक बाँडे।
बराबरीसँगै एनआरटी सातौँ स्थानमा छ। ३ खेलमा जित, ५ खेलमा बराबरी र २ खेलमा हार भोगेको एनआरटीको १४ अंक छ।
समान खेलबाट १२ अंक जोडेको शेर्पा आठौँ स्थानमा छ। शेर्पाले दशौँ चरणसम्म आईपुग्दा ३ खेलमा जित, ३ खेलमा बराबरी र ४ खेलमा हार भोगेको छ।
दशौँ चरणको अन्तिम खेलमा आज नै एपीएफ फुटबल क्लब र संकटा क्लब खेल्दैछन्। खेल अपरान्ह पौने ५ बजे सोही रंगशालामा सुरु हुनेछ।
15
Shares
प्रतिक्रिया