खेल


जित्नै पर्ने खेलमा यूएईद्वारा नेपालले पायो १२८ रनको लक्ष्य

जित्नै पर्ने खेलमा यूएईद्वारा नेपालले पायो १२८ रनको लक्ष्य

नेपालखबर
मंसिर १२

आईसीसी वुमन्स टी–२० विश्वकपको एशियाली छनोटमा युएईले नेपाल सामु १ सय  २८ रनको लक्ष्य प्रस्तुत गरेको छ। 

आइसिसी एकेडेमी २ ग्राउन्डमा नेपालले टस जितेर फिल्डिङ रोजेपछी ब्याटिङ गरेको घरेलु टोलीले निर्धारित २० ओभरमा ५ विकेट गुमाएर १ सय  २७ रनको योगफल तयार पारेको हो। 

युएईका लागि चमानी सेनेभिरत्नले सर्वाधिक ५२ रनको योगदान गरिन्। ३६ बलको सामना गरेकी उनले ७ चौका हानिन्। उनी कविता कुवँरको बलमा बोल्ड आउट हुन पुगिन्। 

दोस्रो विकेटका लाग ओपनर तिर्थ साथिस र काविसा इगोडाजेले ५८ रनको साझेदारी गरे। 

ओपनर तिर्थ ४७ रनमा सिता राना मगरको बलमा बोल्ड आउट हुन पुगिन्। 

काभिसा २२ रन जोड्दा क्याच आउट हुन पुगिन्। अर्की ओपनर ईसा ओजा ४ रनमा कविता कुवँरको बलमा बोल्ड आउट भईन्। समाइरा धर्निभर्का सवनम राईको बलमा एबीडब्लु आउट भईन्। 

नेपालका लागि कविता कुवँरले २ विकेट झारिन्। संगिता राई, सवनम राई र सिता रानामगरले समान एक विकेट झारे। 

आजको खेलको विजेताले आगामी वर्ष हुने टि–२० विश्वकपको ग्लोबल छनोटमा स्थान बनाउनेछ। 

युएई ४ खेलमा अपराजित रहँदै ८ अंकमा शीर्ष स्थानमा छ। एक खेलमा हार तथा ३ खेलमा जित निकालेको नेपाल ६ अंकमा दोस्रो स्थानमा छ। 

नेपाल पहिलो खेलमा हङकङसँग ६ विकेटले पराजित भएपछि दबाबमा परेको थियो।  नेपालले भुटानलाई ८ विकेट, कुवेतलाई ९ विकेट र मलेसियालाई ६ विकेटले पराजित गरेको थियो। 

उता युएईले भने मलेसियालाई ३० रन, हङकङलाई ११ रन, भुटानलाई ४७ रन र कुवेतलाई ७ विकेटले हराउँदै शीर्ष स्थानमा रहेको हो।

मंसिर १२, २०७८, आइतबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin: [email protected]
News: [email protected]

विज्ञापनका लागि सम्पर्क

+977 9851081116
[email protected]

जीवन बस्नेत
अप्रेसन म्यानेजर
सुरेन्द्र रिजाल
निर्देशक, अटो संस्करण
सविन पोखरेल
लेखा प्रमुख
ललिता तामाङ
कार्यालय सहयोगी

नेपालखबर टीम


Copyright © 2021 Nepalkhabar. All Rights Reserved. Designed by Curves n' Colors. Powered by .