युनिकोड
अष्ट्रेलियाको टेस्ट क्रिकेट टोलीका पूर्व कप्तान टिम पेनले तत्काल क्रिकेट नखेल्ने भएका छन्। आफ्ना सहकर्मीलाई आपत्तिजनक म्यासेज पठाएको आरोपमा विवादित बनेसँगै कप्तानी छाडेका पेनले सबै प्रकारका क्रिकेटबाट तत्कालको लागि छुट्टी लिएको घोषणा गरेका हुन्।
गत साता प्रहरीले सन् २०१७ मा महिला सहकर्मीलाई पठाएको म्यासेजबारे अनुसन्धान थालेसँगै पेनले राजीनामा दिएका थिए। त्यसपछि मानसिक तनावमा रहेको कारण उनलाई केही समयको आराम आवश्यक रहेको उनका प्रशिक्षक जेम्स हेन्डर्सनले बताएका छन्।
अष्ट्रेलिया र इंगल्याण्डबीचको टेस्ट क्रिकेट सिरिज डिसेम्बर ८ देखि सुरु हुँदै छ।
प्रतिक्रिया