युनिकोड
टी–२० विश्वकप क्रिकेट प्रतियिोगिताअन्तर्गत अफगानिस्तानलाई भारतले ६६ रनले हराउँदै सेमिफिाइनल पुग्ने झिनाे आशा कायमै राखेको छ।
बिहीबार राति भएको महत्त्वपूर्ण खेलमा अफगानिस्तानलाई जितेर सुपर १२ समूह २ मा रहेको भारतले सेमिफाइनल पुग्ने आशा कायम राखेको हो।
जारी टी–२० विश्वकप क्रिकेटमा यो भारतको पहिलो जित हो।
यस प्रतियोगितामा भारतले यसअघि पाकिस्तान र न्युजिल्यान्डसँग हारेको थियो। यस्तो अवस्थामा अफगानिस्तानसँग प्रतिस्पर्धामा जितेर भारतले सेमिफाइनल पुग्ने आशा कायम राखेको हो।
पहिले ब्याटिङ गरेको भारतले २ विकेट गुमाएर २१० रन बनाउँदै अफगानिस्तानलाई २ सय ११ रनको लक्ष्य दिएको थियो।
जवाफमा अफगानिस्तानले निर्धारित २० ओभरमा ७ विकेटको क्षतिमा १४४ रन मात्रै बनाउन सक्यो।
सुपर १२ को समूह २ मा रहेको पाकिस्तान यसअघि नै सेमिफाइनलमा प्रवेश गरिसकेको छ।
अब भारतले स्कटल्यान्ड र नामिबियासँग भिड्नुपर्नेछ। यी खेलमा राम्रो रनरेटका साथ विजय हासिल गरेर मात्र भारत सेमिफानलमा पुग्न सक्दैन, त्यसका लागि न्युजिल्याण्डले नामिबिया वा अफगानिस्तानसँग हार्नु पनि पर्छ ।
प्रतिक्रिया