युनिकोड
पाकिस्तान टी–२० विश्वकप क्रिकेट प्रतियोगिताको सेमिफाइनलमा प्रवेश गरेको छ।
शेख जायद क्रिकेट स्टेडियममा मंगलबार राति भएको प्रतिस्पर्धामा नामिबियालाई ४५ रनले हराउँदै पाकिस्तान सेमिफाइनलमा पुगेको हो।
सुपर १२ को २ मा रहेको पाकिस्तान पाँचौंपटक टी–२० विश्वकपको सेमिफाइनलमा पुग्न सफल भएको हो।
कप्तान बाबर आजम र मोहम्द रिजवानको अर्धशतकको सहयोगमा पाकिस्तानले नामिबियालाई १९० रनको लक्ष्य दियो। यसमा नामिबियाले निर्धारित २० ओभरमा ५ विकेट गुमाउँदै १४४ रन मात्र बनायो।
नामिबियाका डेभिड विसले सर्वाधिक ४३ रनको योगदान गरे भने क्रिग विलियम्सले ४० र स्टेफन बार्डले २९ रन बनाए।
बलिङतर्फ पाकिस्तानका हशन अली, इमाद असिम, हरिस राउफ र सादाब खानले समान १–१ विकेट लिए।
यसअघि टस हारेर पहिले ब्याटिङ गरेको पाकिस्तानले निर्धारित २० ओभरमा २ विकेट गुमाएर १८९ रन बनाएको थियो।
पाकिस्तानका बाबरले ७० रनको अर्धशतकीय पारी खेले। ४९ बल खेलेका उनले ७ चौका हाने। यस्तै ४९ बल खेलेका रिजवानले ८ चौका र ४ छक्काको सहयोगमा ७९ रनको अर्धशतकीय पारी खेले। मोहम्द हाफिजले ३२ रन बनाए।
बलिङतर्फ नामिबियाका डेभिड विस र जान फ्रिलिङ्क्सले १–१ विकेट लिए।
सेमिफाइनल प्रवेश गरेको ४ खेलमा ८ अंक बनाएको छ। पाकिस्तान समूहको बी को शीर्ष स्थानमा छ।
परारजित नामिबियाले ३ खेलबाट २ अंक जोडेको छ। तर उसको सेमिफाइनल पुग्ने सम्भावना बाँकी नै छ।
सोही समूहमा रहेको अफगानिस्तान ३ खेलबाट ४ अंक जोड्दै दोस्रो स्थानमा छ।
प्रतिक्रिया