स्कटल्याण्डमाथि नामिबियाको पहिलो जित

टी–२० विश्वकप क्रिकेटअन्तर्गत सुपर–१२ मा नामिबियाले पहिलोपटक जित हासिल गरेको छ।  

आईसीसी ट्वान्टी–२० विश्वकप क्रिकेटअन्तर्गत सुपर–१२ मा डेब्यु खेलमा नामिबियाले स्कटल्यान्डलाई ४ विकेटले हराएको हो। 

पहिलो चरणमा आयरल्यान्ड र नेदरल्यान्ड्सलाई जित्दै सुपर–१२ मा प्रवेश गर्न सफल नामिबियाले यसको पहिलो खेलमा स्कटल्यान्डलाई हराएको हो। 

स्कटल्यान्डले दिएको १०९ रनको लक्ष्य नामिबियाले १९ ओभर १ बलमा ६ विकेट गुमाउँदै ११५ रन बनायो।

नामिबियाका जेजे स्मिथले ३२, कार्गिल विलियम्सले २३  र भान लेन्गेले १८ रन बनाए।

बलिङतर्फ स्कटल्यान्डका मिचेल लेक्सले २ तथा बार्ड वेल, साफयन सारिफ, क्रिस ग्रेभास र मार्क वाटले १÷१ विकेट लिए।  

यसअघि टस हारेर पहिले ब्याटिङ रोजेको स्कटल्यान्डले निर्धारित २ं० ओभरमा ८ विकेट गुमाएर १०९ रन बनाएको थियो। 

स्कटल्यान्डका मिहेल लेकाले ४४, माथे क्रोसले १९ र क्रिस ग्राभेसले २५ रनको योगदान गरे। 

सुपर–१२ मा पहिलो जितसँगै नामिबियाको अंक २ भएको छ। नामिबियासँग पराजित स्कटल्यान्डको भने यो लगातार दोस्रो हार हो।