युनिकोड
इन्डियन प्रिमियर लिग (आईपीएल) अन्तर्गत मंगलबार राति भएको प्रतिस्पर्धामा साविक विजेता मुम्बईले राजस्थान रोयल्सलाई ८ विकेटले हराएको छ।
यो जितसँगै मुम्बई पनि प्लेअफ प्रवेशको सम्भावना बढेको छ। यसअघि दिल्ली क्यापिटल्स, चेन्नई सुपर किंग्स र रोयल च्यालेन्जर्स बैंग्लोर प्लेअफमा पुगिसकेका छन्।
राजस्थानलाई हराएपछि मुम्बईको अंक कोलकाता नाइट राइडर्ससँग समान १२ भएको छ।
लिगको अन्तिम प्रतिस्पर्धा मुम्बईले सनराइजर्स हैदराबाद र कोलकाताले राजस्थानसँग गर्नु बाँकी छ। यी खेलका नतिजाले प्लेअफमा पुग्ने अर्को टोलीको भविष्य निर्धारण गर्नेछ।
मंगलबार रातिको खेलमा मुम्बईले राजस्थानलाई ९०–९ को स्कोरमा रोकेर ८ ओभरमै विजय हासिल गरेको हो। टस हारेको राजस्थान मुम्बईका बलर हाबी हुँदा ब्याटिङमा निरीह बनेको थियो। मुम्बईका नाथान कल्टर नाइलले ४, नेम्स निसमले ३ र जसप्रित बुम्राहले २ विकेट लिएका थिए।
जवाफमा ओपनर इशान किसानले २५ बलमा ५० रनको अविजित पारी खेलेपछि मुम्बईले २ विकेट गुमाएर ८.२ ओभरमै खेल समाप्त पारेको हो।
यो विजयसँगै मुम्बईकाे नेट रनरेट माथि आएको छ। तर रनरेटमा कोलकाताभन्दा पछाडि नै छ।
प्रतिक्रिया