युनिकोड
एभरेस्ट प्रिमियर लिग (ईपीएल) टी-२० क्रिकेटअन्तर्गत आज बिहीबार दुई खेल हुँदै छन्।
कीर्तिपुरस्थित त्रिवि क्रिकेट मैदानमा हुने पहिलो खेलमा काठमाडाैँ किंग्स इलाभेन र चितवन टाइगर्स भिड्नेछन्। खेल बिहान साढे ९ बजे सुरु हुनेछ।
काठमाडौँ सन्दीप लामिछानेको कप्तानीमा मैदान उत्रिनेछ भने चितवनको कमानी सोमपाल कामीले गर्नेछन्।
काठमाडौँ र चितवन दुवै टोली दोस्रो जित हासिल गर्ने दाउमा छन्।
काठमाडौंले पहिलो खेलमा ललितपुर प्याट्रियट्सलाई ७ विकेटले हराएकाे थियो।
उता चितवनले विराटनगर वारियर्सविरुद्ध २ विकेटको जित हासिल गरेकाे थियो।
आजै हुने दोस्रो खेलमा भैरहवा ग्लाडियटर्स र ललितपुर प्याट्रियट्स भिड्नेछन्।
खेल सोही मैदानमा दिउँसो साढे १ बजे हुनेछ।
भैरहवा दोस्रो जितको खोजीमा हुँदा ललितपुर पहिलो जितका लागि मैदान उत्रिँदै छ।
भैरहवाको कप्तानी शरद भेषवाकरले गर्नेछन्।
बुधबार भएको पहिलो खेलमा विराटनगर वारियर्सलाई ६ विकेटले हराएको भैरहवाले पहिलो खेलमा पोखरा राइनोजसँग अंक बाँडेको थियो।
दुई खेलमा अंकविहीन ललितपुर पहिलो जितका लागि खेल्दै छ।
पहिलो खेलमा काडमाडौँसँग हारेको ललितपुर दोस्रो खेलमा पनि पोखरा राइनोजसँग ९ विकटको हार भोगेको थियो।
प्रतिक्रिया