अछाममा खोलाले बगाउँदा ७ वर्षीया बालिकाको मृत्यु

अछाममा खोलाले बगाउँदा सात वर्षीया बालिकाको मृत्यु भएको छ। 

उपचार गरेर घर फर्कने क्रममा खोलाले बगाउँदा मेल्लेख गाउँपालिका-४ कुस्कोट निवासी खडक साउँदकी ७ वर्षीया छोरी कृति साउँदको मृत्यु भएको प्रहरीले जनाएको छ।।

साँफेबगर नगरपालिका–१३ बाब्लाबाट बुधबार घर फर्किने क्रममा उनी साँघुरोबाट इकडी खोलामा खसेकी थिइन्।  

नेपाल प्रहरी र सशस्त्र प्रहरीको संयुक्त टोलीले खोजी गर्दा तीन किलोमिटर तल बालिकालाई मृत फेला पारिएको प्रहरीले जनाएको छ।