युनिकोड
कञ्चनपुरको लालझाडी गाउँपालिका–१ मा पतिपत्नीको शव फेला परेको छ।
लालझाडी गाउँपालिका–१ बिनवारीमा सोही ठाउँका ४६ वर्षीया रमेश बडायक र उनकी पत्नी ४३ वर्षीया कमला बडायकको शव रक्ताम्य अवस्थामा भेटिएको हो।
जिल्ला प्रहरी कार्यालय कञ्चनपुरका डीएसपी उमेश जोशीले नेपालखबरलाई दिएको जानकारीअनुसार आफ्नै घरको ओछ्यानमा रक्ताम्य अवस्थामा आज बिहान उनीहरुको शव भेटिएको हो।
प्रारम्भिक अनुसन्धानले धारिलो हतियार प्रयोग गरेर उनीहरुको हत्या भएको हुन सक्ने देखिएको डीएसपी जोशीले बताए।
जिल्ला प्रहरी कार्यालयबाट डीएसपी जोशीको नेतृत्वमा प्रहरी टोली अहिले घटनास्थलतर्फ लागेको छ। स्थानीय प्रहरी र शसस्त्र प्रहरी टाेली अहिले घटनास्थलमै छ।
प्रतिक्रिया