युनिकोड
महोत्तरीको बर्दिवासमा मोटरसाइकल दुर्घटना हुँदा एक युवकको मृत्यु भएको छ।
बदिबास सिन्धुली सडक खण्डमा पर्ने बर्दिवास नगरपालिका-३ कारेभोगटेमा बा-०२५ प ९०१४ नम्बरको मोटरसाइकल दुर्घटना हुँदा बर्दिवास-३ कालापानीका २५ वर्षीय अमर माझीको मृत्यु भएको जिल्ला प्रहरी कार्यालय महोत्तरीले जनाएको छ।
दुर्घटनामा मोटरसाइकल चालक कालापानीकै ३० वर्षीय पेशल बुढाथोकी घाइते भएका छन्।
बुधबार राति बर्दिवासबाट कालापानीतर्फ जाँदै गर्दा तीव्र गतिका कारण अनियन्त्रित भई मोटरसाइकल डिभाइडरमा ठोक्किएर दुर्घटना भएको प्रहरीले जनाएको छ।
दुर्घटनामा गम्भीर घाइते भएका दुवैलाई उपचारका लागि बर्दिबासस्थित सरकारी अस्पतालमा लगिएको थियो।
अस्पताल पुर्याउनासाथ माझीलाई चिकित्सकले मृत घोषणा हुन्। बुढाथोकीको अवस्था भने सामान्य रहेको प्रहरीले जनाएको छ।
प्रतिक्रिया