युनिकोड
गुल्मीको सत्यवतिमा जिप भिरबाट खस्दा एक महिलाको मृत्यु भएको छ। दुर्घटनामा अन्य ७ जना घाइते भएका प्रहरीले जनाएको छ।
दुर्घटनामा सत्यवती गाउँपालिका-८ भार्सेकी ३२ वर्षीया कमला बुढाथोकीको मृत्यु भएको जिल्ला प्रहरी कार्यालय गुल्मीले जनाएको छ।
गुल्मीका प्रहरी नायब उपरीक्षक शङ्कर पोखरेलका अनुसार आज बिहान कालिगण्डकी गाउँपालिका ४ ओक्याङस्थित भित्री कच्ची सडक खडमा ग २ च ३२६२ नम्बरको बलेरो गाडी भिरबाट खसेको हो।
आफैँ अनियन्त्रित भएर बोलेरो गाडी सडकबाट झण्डै चारसय मिटर तल खसेको प्रहरीले जनाएको छ।
दुर्घटनामा जिपमा सवार ८ मध्ये ७ जना घाइते भएका छन्। घाइतमध्ये ४ जनाको अवस्था गम्भीर छ।
दुर्घटनामा २९ वर्षीय केशव राना, ३७ वर्षीया रीता छन्तेल, ४ वर्षीया ईरिसा छन्तेल, २६ वर्षीय अजय नेपाली, ७५ वर्षीय टेकबहादुर काला, ४६ वर्षीय दुरपति बराल र २३ वर्षीया मेख बराल घाइते भएका छन्।
प्रतिक्रिया