विपिनसहित ४ जनाको शव लिन गाजा जाँदै रेडक्रस टोली

हमासले फिर्ता गर्न लागेका नेपाली विपिन जोशीसहित चार बन्धकको शव लिन रेडक्रसको टोली गाजा गइरहेको इजरायली सेनाले जनाएको छ।

हमासले अन्तत: विपिनको मृत्यु भइसकेको पुष्टि गरेको हो। 

हमासले आज फिर्ता गर्न सार्वजनिक गरेको चार मृत बन्धकको सूचीमा विपिनको नाम पनि उल्लेख गरेको छ। 

बीबीसीका अनुसार हमासले विपिनसँगै गाय इलोज, योसी साराबी र डेनियल पेरेट्जको शव इजरायललाई हस्तान्तरण गर्ने भएको हो। 

यसअघि आजै हमासले २० जीवित बन्धक फिर्ता गरिसकेको छ। 

अमेरिकाको मध्यस्तथतामा इजरायल र हमासबीच इजिप्टमा भएको वार्तामा युद्धविराम सहमति भएपछि बन्धक रिहा गरिएको हो। 

सम्झौताअनुसार हमासले जीवित २० र मृत २८ बन्धक फिर्ता गर्नुपर्नेछ।