मादीले बगाउँदा एक जना बेपत्ता

तनहुँको व्यास नगरपालिका–७ दुलेँपानीस्थित मादी नदीले बगाउँदा एक जना बेपत्ता भएका छन्।

बेपत्ता हुनेमा व्यास नगरपालिका–१ अम्रेनी बस्ने ४० वर्षीय हरि परियार रहेका जिल्ला प्रहरी कार्यालय तनहुँले जनाएको छ। 

बेपत्ता परियार नेपाल दूरसञ्चार प्राधिकरण दमौलीमा कार्यरत थिए। उनकाे खोजीकार्य भइरहेको जिल्ला प्रहरी कार्यालयका प्रहरी निरीक्षक राजु अधिकारीले जानकारी दिए।

पिकनिक गएकामध्ये तीन जना मादी नदीमा पौडी खेल्न गएका थिए। पौडी खेल्ने क्रममा परियारलाई पानीले बगाएको हाे। रासस