धनुषा र सर्लाहीका यी स्थानमा भारी वर्षा जारी, सावधानी अपनाउन चेतावनी

धनुषा र सर्लाहीका केही ठाउँमा अहिले ठूलो वर्षा भइरहेकाले आसपास क्षेत्रका बासिन्दालाई सावधान अपनाउन जल तथा मौसम विज्ञान विभागले सुझाव दिएको छ।

विभागले आज (आइतबार) बिहान ७:२० बजेतिर सूचना जारी गरी धनुषाका हर्दिनाथ र तुलसी तथा सर्लाहीको परवानीपुर आसपास क्षेत्रमा मध्यमदेखि भारीसम्म वर्षा भइरहेको हो।

उक्त क्षेत्रमा बनेको मौसमी प्रणाली दक्षिण-पश्चिम दिशामा सर्ने क्रममा रहेकाले सतर्कता अपनाउन जरुरी रहेको विभागले उल्लेख गरेको छ।

विभागले जारी गरेको सूचनामा भनिएको छ, ‘उदयपुर राडारमा देखाएअनुसार हाल धनुषा जिल्लाको हर्दिनाथ र तुलसी तथा सर्लाही जिल्लाको परवानीपुर आसपासको क्षेत्रमा मध्यमदेखि भारी वर्षा भइरहेको छ। उक्त क्षेत्रमा बनेको मौसमी प्रणाली दक्षिण-पश्चिम दिशामा सर्ने क्रममा रहेकाले आवश्यक सतर्कता अपनाउनु हुन अनुरोध छ।’