युनिकोड
मालपोत कार्यालय कलंकीका नायव सुब्बा ईश्वरी प्रसाद पोख्रेलसमेत ३ जनाविरुद्ध विशेष अदालतमा भ्रष्टाचार मुद्दा दायर गरिएको छ।
नासु पोख्रेलले लेखापढी व्यवसायी बिश्वम्भर मैनाली र ईन्द्रावती खत्रीसँग दुई हजार रुपैयाँ घुस लिएको आरोपमा अख्तियार दुरुपयोग अनुसन्धान आयोगले सोमबार विशेष अदालतमा मुद्दा दायर गरेको हो।
नासु पोख्रेल र अन्य कर्मचारीले काम गराएवापत सेवाग्राहीले रकम दिनुपर्ने र नदिए काममा ढिलासुस्ती गरी विभिन्न बहानामा घुस, रिस्वत माग्ने गरिएको अख्तियारले जनाएको छ।
अख्तियारले पोख्रेल, मैनाली र खत्री तीनै जनालाई रु २/२ हजार विगो कायम गरी मुद्दा दायर गरेको हो।
प्रतिक्रिया