सुर्खेतमा बस पल्टियाे, ३ जनाकाे मृत्यु, २७ यात्रु घाइते

सुर्खेतमा आज (बुधबार) बस दुर्घटना हुँदा तीन जनाको मृत्यु भएको छ भने २७ जना घाइते भएका छन्।

जाजरकोटबाट नेपालगन्ज जाँदै गरेको ना ४ ख ९३ २७ नम्बरको बस सुर्खेतको भेरीगंगा नगरपालिका-५ हर्रे पुलिसचौकीको एमाले मोडमा दुर्घटना भएको हो।

मृत्यु भएकाहरूको नाम ठेगाना खुलिसकेको छैन। घाइतेहरूलाई उद्धार गरी उपचारका लागि स्थानीय भेरीगंगा क्लिनिक, सुर्खेत र बाँकेको कोहलपुर लगिएको सुर्खेत जिल्ला प्रहरी कार्यालयले जानकारी दिएको छ।

ब्रेक फेल भएर बस दुर्घटना भएको अनुमान गरिएको छ। घटनाको विस्तृत विवरण आउन बाँकी छ।