युनिकोड
काठमाडौं जिल्ला प्रशासन कार्यालयले आज (असार ८) बाट नियमित सेवा प्रदान गर्ने भएको छ।
कोरोना महामारीका कारण यसअघि अत्यावश्यकबाहेकका सेवा बन्द थिए।
आजबाट भने सबै सेवा खुला गरिएको काठमाडौं जिल्ला प्रशासन कार्यालयले जनाएको छ।
तर सेवा लिन जाँदा सेवाग्राहीले सेवा लिनुपर्ने कारणसहित उपस्थित हुनुपर्ने छ।
‘कोभिड–१९ को संक्रमण उच्च रहँदा मिति २०७८/१/१३ देखि यस कार्यालयबाट अत्यावश्यकबाहेकका सेवाहरू स्थगित गरिएकोमा मिति २०७८/३/८ देखि लागु हुने गरी सेवा सुचारु गर्ने निर्णय भएको छ,’ काठमाडौं जिल्ला प्रशासन कार्यालयद्वारा जारी सूचनामा भनिएको छ, ‘जनस्वास्थ्यका मापदण्डको पूर्ण परिपालना गरी अत्यावश्यक रूपमा सेवा लिनु पर्ने कारणसहित उपस्थित हुनु हुन सम्पूर्ण सेवाग्राहीमा अनुरोध छ।’
प्रतिक्रिया