युनिकोड
आज काठमाडौं उपत्यकामा ६०७ जनामा कोरोना भाइरसको संक्रमण पुष्टि भएको छ।
जसमा काठमाडौं ३९६, ललितपुर १४५ र भक्तपुर ६६ जना रहेका स्वास्थ्य तथा जनसंख्या मन्त्रालयले जनाएको छ।
यस्तै, हिजो (आइतबार) उपत्यकामा काठमाडौं ४८३, ललितपुर ११२ र भक्तपुरमा ५४ गरी ६५३ जना संक्रमित फेला परेका थिए।
यसअघि शनिबार काठमाडौंमा ३९१, ललितपुरमा १३० र भक्तपुरमा ७७ जना गरी ५९८ जनामा संक्रमण पुष्टि भएको थियो।
शुक्रबार उपत्यकामा १ हजार १४० जना संक्रमित भए थिए। जसमा काठमाडौंमा ९२१, ललितपुरमा १६३ र भक्तपुरमा ५६ जनामा संक्रमण पुष्टि भएको हो।
यस्तै, उपत्यकामा गएको बिहीबार ७६४, बुधबार ९१५ र मंगलबार १ हजार २२६ संक्रमित थपिएका थिए।
गएको २४ घण्टामा नेपालमा २ हजार ९१८ जनामा कोरोना भाइरसको संक्रमण पुष्टि भएको छ भने ५३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।
यो अवधिमा ५ हजार १४७ जना संक्रमणमुक्त भएका छन्।
हिजो (आइतबार) देशभर २ हजार ४०७ जनामा संक्रमण पुष्टि भएको थियो भने ३ हजार ९९३ जना संक्रमणमुक्त भएका थिए। यस्तै, ४६ जनाको मृत्यु भएको थियो।
प्रतिक्रिया